في هذا الاطار، كتبت ملكة الاحساس اليسا تدوينة عبر حسابها على اكس جاء فيها:"كل حدا فينا بيشوف الدنيا بطريقته، والأشخاص المصابين بطيف التوحّد عندهن طريقة مميزة بفهم العالم. عالم مليان حب، إحساس، ونظرة خاصة للحياة. خلّونا نتقبّل الاختلاف وندعمن بكل حب".

ونشر الفنان اللبناني الشامل مروان خوري تدوينة عبر اكس جاء فيها:"السما جزء أساسي من هالكوكب، كمان، الاشخاص يلي عندن توحد هني جزء من هالعالم الغني باختلافاته.. والاثنين ما فينا نفهمن الا ما نخوض هالرحلة ونستكشفها.باليوم العالمي للتوحد وكل يوم بعد السما.. منحبكن!".

كما كتبت الممثلة اللبنانية داليدا خليل عبر اكس:"شو هو التوحد؟ ليش كل حالة بتختلف عن التانية؟ شو هو هالعالم؟ اسئلة كتيرة منطرحها بس الجواب واحد: التوحّد متل السما، أوقات بتغيّم، أوقات بتشمّس، أيام بتصفى، أيام بتشتّي. وهيك التعايش مع التوحّد، هو رحلة استكشاف لأعراض وتحديات ومهارات ومواهب بتتغيّر من شخص للتاني. من الضروري نتقبله، نحبه ونحضنه بكل فرح.باليوم العالمي للتوحد ٢ نيسان، وبنص الغيمة السودا، بسمة أمل صغيرة بسما لبنان لنقول لكل شخص عنده توحد من خلال الجمعية الوطنية للتوحد NAC "بعد السما منحبكن".

أيضاً شاركت الممثلة ومقدمة البرامج اللبنانية ريتا حرب مقطع فيديو عبر حسابها على انستغرام لحملة التوحد جاء فيها:"بُعد السما منحبكن لبنان بيتوحد حول التوحد".

أما النجمين اللبنانيين عبير وجورج نعمة فشاركا صورة للحملة تضمنت الجمل نفسها.

الاعلامي اللبناني نيشان علّق:"قد لا يستطيع أن يقول لك:"أنا أحبّك" لكنّه يعرف أن يُعبّر لك عن حُبِّه.قد تقول له: "أنا أحبّك" وقد لا يَرُدّ عليك، لكنّه يشعر بِحُبِّك له.وحَتمًا يُحِبُّك:بعد السّما بيحبَّك بُعد السما منحِبكن".

بدورها ، كتبت الممثلة اللبنانية زينة مكي:"السما جزء أساسي من هالكوكب، كمان، الاشخاص يلي عندن توحد هني جزء من هالعالم الغني باختلافاته.. والاثنين ما فينا نفهمن الا ما نخوض هالرحلة ونستكشفها.السما أوقات بتغيم، أوقات بتشمس، أيام بتصفى، أيام بتشتي، وهيك هو التوحد بتختلف التحديات، القدرات من شخص للتاني ولكن الاهم هو خوض هالتجربة بفرح وتقبل وتعاطف وحب وامل رغم تحدياتها..باليوم العالمي للتوحد وكل يوم بعد السما.. منحبكن!".