بعد إثارته للجدل، بديع أبو شقرا يُوضّح حقيقة موقفه ويبحث عن حل لمشاكل الدراما اللبنانية!

بعد إثارته للجدل، بديع أبو شقرا يُوضّح حقيقة موقفه ويبحث عن حل لمشاكل الدراما اللبنانية!

كان قد أثار الممثل اللبناني بديع أبو شقرا جدلاً كبيراً مؤخراً بسبب تصريحه في برنامج "ع غير كوكب" عمّا لو كان الممثل اللبناني "يبيع عربياً" حيث علّق الممثل اللبناني يوسف الخال على تصريحه معارضاً رأيه.

لذلك، قرّر أبو شقرا حسم هذا الجدل موضحاً حقيقة موقفه من هذا الأمر، كما إقترح تقديم حلاً لمشاكل الدراما اللبنانية حيث كتب عبر منصات التواصل الاجتماعي المنشور الإلكتروني التالي:"أنا ما بدّي كبر الموضوع ويصير في اخذ ورد عليه وكأنو خلاف بين ممثّلَين وهو مش بهالوارد ابداً حتى لو توجّهلي نقد بالشخصي ، لأن انا عمبحكي عن واقع، وبشكل علمي، ايه نحنا ما منبيع عربيّاً ، لَهيك عمطالب بأفكار جديدة بتساعد على الانتشار عربيّاً كمُنتج لبناني الو خصوصيّة معيّنة”.

تابع:"الشباب اخدوها شخصيّة وكأنا إهانة للممثل اللبناني، انا عموصّف الواقع وهيدي هيي الحقيقة اللي لمسناها من بعد بحث وتعامل مع المؤسسات التلفزيونية العربية، مش حكي عواطف وشعبويّة وإفراط بالوطنيّة. ولهالسبب رح جرب حضّر ل webinar online, بيجمع ممثلين ومنتجين وصحفية وكتاب لنبحث بمشاكل الدراما وامكانية فتح ابواب جديدة واقناع المستثمرين بالاستثمار بهدا القطاع في ظل غياب كامل للجهات الرسمية وطبعا الظروف الصعبة اللي ما بتشجع الدرامة لا من قريب ولا من بعيد".
إستكمل منشوره:"أنا ما بدي اقعد ببيتي وقوص من بعيد ، انا بدي احكي وقول الحقيقة وعالج عالأرض وبالعلن… واكيد ما دخل الموضوع بجنسيات الممثلين على الإطلاق ، عمنطرح موضوع جدلي ونلاقي حلول علميّة وآفاق جديدة. وخلينا نعترف انو نحنا عنّا عوائق امام انتشارنا، داخلية وخارجيّة".
كما ختم أبو شقرا كاتباً:"ولو ما عنّا ثقة بقدراتنا ما كنّا منعذّب حالنا ومنحكي. انا اتمنّى من كل الزّملاء تناول الموضوع بشكل علمي والرد عليه مش بأشعار وعواطف، كلّنا على نفس المركب".