في هذا الإطار، نشرت أصالة عبر حسابها على انستغرام مجموعة لابنتها وأرفقتها بتعليق مؤثر جاء فيه:" كتير مرّينا أنا والولاد بإمتحانات صعبه وأيام أصعب وبكلّ مرّه ماكان عندي شكّ بعدل رب العالمين، وكانت حياتي من بداياتي لليوم عباره عنّ جمله بتقول ( الناس الأشرار قلال بس بيوجعوا ولازم دائماً مهما كترت الجروح والصدمات نقارنهم بالكتار ونتذكرهم لنعرف إنهم مهما كتروا قلال )، ونحنا اليوم بإمتحان من هالإمتحانات وبيمرّ ورح يمرّ".

أضافت:"وشام هيي النّور اللي مضوّي حياة آلاف البشر أنا منهم، بنتي الملاك رح تبقى ملاك ومارح يوجعها أكتر من وقته الوجع، ودواها نحنا أهلها اللي كان إلنا سعادة تكون شام منّا وفينا شام حبيبة الحياة وأهلها طاقة العلم والتهذيب والعطاء عم تمرق منّ شارع ضيّق بهالحياة، اللي فيها شوارع مضوايه بأهل أنتوا منهم ياطيبين ياأهلنا وأصحابنا وناسنا، وهالشارع مهما ضاق رح يخلص ورح تطلع منّه منّ غير ماتشوف وراها أو حتّى تتذكّر شو كان هالمرور صعب، ومافي مرور إلًا وبتصادفه عثرات والعثرات بتكبر وبتكتر لمّا هالمرور منّ رحلة هالحياة بيكون مو عادي ونجاح شام مو عادي ومرورها بهالحياة أكيد حيصادفه عثرات وأكيد حيكون فيه صعوبه حتّى بتحقيق السهل".

واختتمت أصالة كاتبة:"كلّ القلوب الحلوه ياحلوة الحلوات معك وبتدعمك وقلبي قبل إيدي وروحي ملكك، وتحت أمرك وبدعي لك وبتوسّل ربّي برحمته يحتويكي، وبتصير أشياء بتكون عكس شو توقعنا وبتصدمنا لتقوّينا وترجًعنا أحلى وأقوى وأحنّ وأهدى وشامي الحلوه حلوه وهاديه وإنسانه وكلّ طاقات الفرح والفرج رح تتهيّأ لها والله مع المخلصين".

بدورها ردت شام على رسالة والدتها كاتبة :"انتي روحي وطاقتي كلها بستمدها منك الله يحفظنا ويحفظ كل الطيبين".

يذكر أن عيادة شام كانت قد أصدرت بياناً رسمياً تعليقاً على ما حصل جاء فيه:"نظراً لما أُثير عن بعض اللَّغَط بشأن مراكزنا الطبية، فإنه يجب توضيح أن الذي يتم هو مُجرد إشتراطَات من إدارة العلاج الحُر بوزارة الصحة المصرية و جاري العمل على تنفيذ هذه الإشتراطَات".

تابع:" وفَور تنفيذ هذه الإشتراطَات سوف يُعاود المركز مباشرةً نشاطه بالشكل الأمثلْ."