شمس الأغنية اللبنانية نجوى كرم كتبت عبر صفحتها الخاصة على تويتر:"يا حزنّنا على شبابو..تعازينا الحارّة لـ آل الراسي..الله يرحم الفنان #جورج_الراسي، وانشالله تكون نفسو بالسما"

أما جورج وسوف سلطان الطرب غرد:"شو هلخبر الحزين صباح اليوم، كتير بكير يا جورج. الله يصبر أهل الفنان جورج الراسي على هالكارثة وهل الصبية يللي كانت برفقتو. خالص التعازي لكل محبي جورج الراسي"

غردت النجمة الذهبية نوال الزغبي على تويتر:"ما في وجع أكبر من الموت و ما في كلام يواسي، الله يرحم #جورج_الراسي و يصبر قلب اهله و محبينه، قلبي معك @NadineElRassi."

ونشرت جويل حاتم طليقة الراسي عبر خاصية الواتساب تعليقاً كاتبةً:" بليز عم برجف، ما قادرة رد بليز، يسوع، ساعدوني"

وعبّر الإعلامي وسام بريدي عن حزنه بهذا التعليق عبر تويتر مرفقة بصورة لأخيه عصام ولجورج الراسي كاتباً:"شو بوجع هالنهار يا جورج، قلبي عم يحترق من الوجع، ١٢ نيسان ٢٠١٥ دبحني واليوم كأني بهيديك النهار راسي رافض يصدق انو اليوم هيك صار ، ما قادر فكر باخواتك وأهلك. المسيح قام الله يرحم روحك."

أما ملكة الإحساس إليسا تقدمت بالتعازي على تويتر مغردةً :"شو بوجع هالنهار يا جورج، قلبي عم يحترق من الوجع، ١٢ نيسان ٢٠١٥ دبحني واليوم كأني بهيديك النهار راسي رافض يصدق انو اليوم هيك صار ، ما قادر فكر باخواتك وأهلك. المسيح قام الله يرحم روحك."

وكتبت هيفاء وهبي عبر صفحتها الخاصة: "خبر حزين كتير الفنان #جورج_الراسي لروحك السما ولعيلتك التعزية... الله يصبّر قلبك نادين!"

غرد ملك الرومانسية وائل كفوري على تويتر:"بكّيتنا يا جورج! الله يرحَمك ويرحَم الصبيّة اللي كانت برفقتك والله يصبّر الأهل."

كما كتب وسام حنا:"شو هالصباح الاسود ضيعان الشباب "

واعرب الفنان اللبناني الشامل زياد برجي عن حزنه كاتباً:"اليوم فقدت أخ ما بقدر قول اكتر من هيك الله يرحمك يا جورج وتكون الجنة من نصيبك برضى أهلك عليك وأخواتك الله يصبّر قلب عيلتك وجمهورك ولحبيبتي وأختي نادين ما فيي قلك غير الله يصبرك. وجعك كوم ووجع كل العالم بفقدان جورج كوم ثاني @NadineElRassi إنّا لله وإنّا إليه راجعون."

كما توجه ناصيف زيتون بالتعازي كاتباً:"خبر حزين وفاة الفنان جورج الراسي. اتقدم بخالص التعازي لعائلة الفنان #جورج_الراسي والشابة اللي قضوا في الحادث فل يكن ذكرهم مؤبداً."

كتبت نانسي عجرم على تويتر:"ما أبشع هالخبر!!! ما في كلام يعبّر...الله يرحم جورج ويصبر عايلته. @NadineElRassiما حدا بيعرف حجم الوجع! الله يقويكي وانشالله تكون نفسه بالسما."

كما كتبت الممثلة جيسي عبدو على تويتر:"شو هالصباح البشع بعدني لهلق ما بدي صدّق هالخبرية !!!!! بكير كتير يا جورج بكيييير !!!! ما بعرف شو هالدني وليش الطيبين والأوادم بيفلو وبيتركونا .. الله يرحمك يا طيب ويصبر قلب امك وبيك واخواتك الله يصبر قلبك يا نادين !!."