في التفاصيل، كان قد صرّح طارق لطفي خلال ظهوره في برنامج "حبر سري" مع أسما إبراهيم، أنّه رفض الدور بسبب الشخصية "الشاذة" وكان هدفه حماية صورته أمام أسرته وجمهوره.
في هذا السياق، ردّ محمد سامي على تصريحات طارق لطفي عبر منشور له على صفحته على فيسبوك وعلّق:" اولا طارق ممثل محترم وانسان جميل واشتغل معايا مرتين، مرة في مسلسل مع سبق الإصرار ومرة تانية في مسلسل حكاية حياة، وأعتقد الدورين كانوا مهمين ومحترمين جدا وحقق فيهم نجاح مهم ."
وتابع:" بعدها عرضت عليه دور في مسلسل كلام على ورق وحصل خلاف انتاجي على الأجر تقريبا وعلى مساحة الدور وعمل الدور ساعتها الراحل الجميل الأستاذ حسين الإمام والكلام ده سنة 2014يعني من 11سنة، فوجئت إن طارق لطفي طالع دلوقي بيقول إنه رفض يقدم الدور لأنه كان دور واحد شاذ جنسيا وبدأ يتكلم عن المجتمع والناس وخوفه على الجمهور وكلام غريب جدا بحاله من المبالغة والاسترسال لكسب ود الجمهود واللعب على الحالة الدينية والمتحفظة عند الجمهور العربي."
أضاف:" ولكن فاته حاجة مهمة إنه بيتكلم عن دور في عمل مصور وموجود والناس تقدر تتفرج عليه، الدور مش دور شاذ ولا ليه علاقة بالشواذ!!"
أكمل:" مش فاهم طارق قال كده ليه واخترع الموضوع ده إزاي وكمان عمل حكاية غريبة جدا أنا مش فاهمها وإنه خاف على عيلته وأسرته وطلعني بروج لشيئ غريب جدا، أنا أول مره وسط عرض عمل ليا أسمح لحد ياخدني لموضوع جانبي و لكن كان لازم أرد ".
وأكدّ انّ كلامه غير صحيح إذ كتب:" كلامك مختلق وغير صحيح والدور موجود ينفع الناس تشوفه و كان حسين الإمام رحمة الله عليه طالع بيحب روجينا وهي حبيبة عمره وأنتيمه ماجد المصري وأحمد زاهر وأشرف زكي وكان جدع مايع عشان أمه رقاصة وصاحب كباريه وده اللي كان عاجبك في الدور وعملت معايا بروڤة أداء عليه وعلى مياعته وكان عاجبك."
اختتم محمد سامي رسالته كاتبًا:"راجع نفسك يا صديقي قبل إلقاء قنابل تزعل زميلك منك، ومعلش إني رديت بالشكل ده ولكن لا بد من الرد للتوثيق، كلامك كان لازم يترد عليه و كل سنه وانت طيب وأسرتك الكريمة بخير ولو انت ترفض تقديم دور الشاذ فأنا قبلك أرفض أخرجه!!"