في هذا الإطار، استقبل رامز جلال بسمة بوسيل بمقدمة ساخرة قال فيها: "ضيفتنا النهاردة ملكة الماتريال، عملت كل حاجة علشان الناس تتكلم عنها، اتجوزت مطرب مكالش، اتطلقت منه ما سألش، غنت ماحصلش، داوشانا ليل ونهار وعاملة لنا إزعاج".

أضاف رامز: "مجنونة يا قلب أمها ومحتاجة علاج، معانا إكس نجم الجيل، اللي هاريانا استوريهات نهار وليل".

كما سخر رامز من إطلالة بوسيل بعد وصولها البرنامج قائلاً: "برنسيسة جزيرة المطلقات، ذبيحة قصة الحب الرومانسية، من ساعة ما اتطلقت عايشة في حالة حداد".

تابع : "إيه الأخضر اللي في الجزمة ده؟ أكيد نزلت في ملوخية، عاملة قصة هاني البحيري، والبدلة دي شوفتها على ليدي غاغا، واللي في إيديها ده شنطة ولا كلبشات؟ وهي طالعة من الأسانسير تحس إنها رايحة تزور تامر حسني بعد ما الدنابل وقعت عليه في الجيم".

 واعتقدت بسمة أنها تشارك في لجنة برنامج اكتشاف مواهب مع النجمة الذهبية نوال الزغبي ، اللاعب السعودي محمد نور ورامز جلال، قبل أن تكتشف أنه مقلب.

وبدأ رامز جلال المقلب بتوجيه عدة أسئلة إلى بسمة بوسيل منها: "نجم الجيل بيدفع نفقة كام؟" فردّت: "5 آلاف"، ليرد رامز ساخرًا: "بيدفع 5 آلاف؟ ده أنا اللي هرفع قضية".

أيضاً سألها عن الطلاق من النجم المصري تامر حسني قائلاً: "مين اللي طلق التاني؟"، لتجيب: "أنا اللي طلبت الطلاق". وعندما سألها عن فكرة الزواج مرة أخرى، ردّت: "مش هتجوز تاني". و عن العودة إلى تامر حسني، أوضحت: “مش هرجع تاني، وطلقت علشان خلاص مش نافع".

أما عن الممثلة التي كانت تغار على تامر حسني منها فقالت: "عمري ما غرت من ممثلات"، وسألها اذا كانت ستحزن اذا تزوج حسني فقالت:" لا ليه يعني الجواز حلال".