في هذا الإطار،شاركت أستاذة المسرح عايدة صبرا تدوينة جاء فيها:"كل الفخر والحب لسينتيا كرم تأخرتوا كتير لتكتشفوها.وهيدا اللي انبح صوتنا نحنا ونقول روحوا عمعهد الفنون اعملوا كاستينغ أو اسألوا عن خريجين شاطرين أو احضروا مسرح بتلاقوا كنوز مواهب شاطرين وحلوين ومعلمين ومثقفين. هلأ مثلا عم يكبوا مصاري ليدربوا ملكة جمال لتدخل المجال. مسخرة".

وكتبت النجمة اللبنانية عبير نعمة عبر حسابها على اكس تدوينة جاء فيها:"سينتيا كرم موهبة ما إلها حدود إن كان بالموسيقى أو التمثيل.. وأخيراً الناس شافت عالشاشة الصغيرة مش بس بالمسرح شو يعني لما سينتيا تمثّل.. مبدعة من بلادي… عظيمة يا سينتيا.. ومن نجاح لنجاح صار الوقت صديقتي".

كما كتبت الممثلة اللبنانية كارمن لبس:"حبيبتي سينتيا، كتير مبسوطة إنو موهبتك عم تنشاف وتاخدي حقك، وبزعل بنفس الوقت ليش الناس متفاجأة مع إنو موهبة متلك لازم تكون لفتت نظر كل متذوّق للفن من زمان. برافو وألف ألف مبروك".

أما الممثل اللبناني نعيم حلاوي فكتب:"سينتيا كرم.. يا سينتيا كرم كلنا منعرف إنك ممثلة مبدعة.. بس بعتقد ما حدا منا كان متوقّع تطلعي "هالقد" مبدعة.. وين كنتي مخباية كل هالإبداع؟ بطحتيهن كلّن".

من جهتها، علقت الفنانة رنين الشعار كاتبة:"ما ضروري تكون آخد دور البطولة حتى تكون البطل ..استثمروا بالمواهب.. المواااااااهب.. هنّي الصورة الحلوة عن الأوطان".

وحرصت سينتيا كرم على الرد على جميع التعليقات كما نشرت تدوينة جاء فيها:"انتو شو انتو؟؟؟؟ ما في احلى منكن ومن تفاعلكن!!! قلبي رح يبجّ متل طنجرة الضّغط اذا ما نفّستوها! انا بحبّكن باكو باكو .. كتير باكو… وان شاء الله كل الكواكب بتلِفّ لصالحكن! وعطارد ما يعارض!".

مع الإشارة إلى أن سينتيا كرم تجسد دور "عدلا " في مسلسل "بالدّم" ، وهي فتاة بسيطة مهتّمة بعالم الفلك والكواكب والأبراج ،و تتنقّل بمشاهدها بين الكوميديّة والتّراجيديّة .