وأعلنت نادين عن ماركة مستحضرات تجميل خاصة بها باسم "نادين نجيم بيوتي"، قريباً في الأسواق.

وكتبت نادين منشوراً مطولاً عبر حسابها الرسمي على انستغرام، تشرح فيه تفاصيل مشروعها الجديد، الذي استغرق 3 سنوات: "بدي قول شي كتير محمسة ما قادرة خبّي … قريباً جداً نادين نجيم بيوتي رح تكون بين ايديكم وين ما كنتوا".

أضافت: "بعد تعب ٣ سنين على ادق التفاصيل كتير محمسة تجربوا، وان شاء الله رح يعجبكم، لانه بيشبه كل امرأة فينا والاهم بذكرك انه تحبي حالك و تخلي ثقتك عالية مهما قسيت الظروف عليكي وضلك عم تآمني بحالك حتى بأضعف لحظاتك".

وتابعت: "هيدي البراند طلعت من ورا قصة جهد و تعب وانكسار وحزن وضعف وخذلان عشتهم بحياتي، كرمال هيك انا حابة شارك هل التجربة القاسية معكم يمكن اقدر اعطيكم الامل والقوة والدعم".

وأكملت نادين: "قريباً رح خبركم قصتي وكيف وصلت لهون و كيف تخطيت كل التحديات و المصاعب و كيف وقعت ورجعت وقفت على إجريي وكملت يمكن اقدر كون بمطرح عم في فيدكم… تجاربنا بتعلمنا وبتقوينا".

وتفاعل معها الجمهور والمتابعين، مع هذه المفاجأة، معربين عن حماسهم لعلامتها التجميلية.

من جهة أخرى، تنتظر نادين نسيب نجيم عرض مسلسلها "2024" في النصف الثاني من رمضان 2024.

ويشهد المسلسل التعاون الأول بين نادين نجيم، والممثل السوري محمد الأحمد، ويشاركهما كل من طوني عيسى، ووسام صليبا، ورفيق علي أحمد وغيرهم، وهو من تأليف بلال شحادات، وإخراج فيليب أسمر.